Before Touch!

                  Kanina nakalimutan ko na saan nagsimula bigla ko nasambit ang NOKIA. As in No-ki-ya...Ganyan tulad ng nakasanayan. Pero hindi ako pinaglagpas ng sing laki ng german sausage na si buret sa pronunciation. Ayon sa kanya ang tama daw ay Nokya (bilisan with sowzy accent). Sinangayunan naman nung bulig e di talo na ko. Nokya na kung Nokya! Lochia!(isearch kung di alam)...  Oh well i don't ker kako pano man ang bigkas niya. 

           Sa panahon ngayon ang dami nang nagsusulputang hi-tech phones na sing laki na halos ng TV(sing halaga narin ng TV.pfft!). Naghahabulan lang ang Samsung at Sony kung sino mas S (sozyal) na phone.Pilit namang hinahabol ng Star Mobile, Cherry mobile, myphone etc. (sige lang habol lang kayo). Samutsaring features na imba na minsan hindi mo naman talaga kailangan masabi lang na may ganon ka sa cellphone(so yabang).Sobrang hi-tech kulang nalang lumabas na sa cellphone mo katext/kausap mo. Hindi na ko magtataka kung balang araw nasusukat narin ng cellphone mo BP at blood sugar mo sa pagkurap lamang.oha! 

           Pero bago mo naranasan ang touch, naligayahan ka muna ng todo sa pindot pindot lang. Wag masyadong green!Hindi papunta don ang usapan. Tara na't magbalik tanaw at tumanaw ng utang na loob sa unang cellphone brand na nagpakilala satin sa isang bagay na ikasisira ng buhay at bulsa natin. Nokia.....

          Naalala mo pa ba si 5110 (insert "oo nga")?Di ako sure at wala kong balak isearch pero ito ang unang cellphone na patok sa masa noon bukod sa alcatel na hugis safeguard (insert "oo nga" again here). Ito ang pumalit sa mga pager. Noon pag naka 5110 ka na mayaman ka na ng bahagya. Makapal at matibay ang model na to. Pwede mong ipampukol sa kagalit mo at tiyak comatose bagsak non. 

         Sunod sunod na nagsipagsulputan ang 3210, 3310,8210,8250. Hanep parang pin code lang ng atm no? Kabisado ko pa to non. The higher the number the better. Dito din nagoriginate ang model na may "i" hindi iPhone (5110i). Parang may ikinaganda naman pag may "i".hahahahahaha!!!

         Kung ngayon di ka makali sa pagpalit ng cover ng phone mo, dati din humaling na humaling ang mga tao kapapalit ng "housing" ng cellphone nila. Meron see through, plastic, o rubberize. Makukulay! Nakakaaliw... At dahil sadyang wala magawa sa cellphone, di nakuntento papalitan pa ng backlight at para medyo kakaiba palalagyan ng "acetate" yung screen (hindi pa uso wallpaper non).

         I'm sure minsan naranasan mo nang maya't maya icheck ang cellphone mo dahil akala mo may text ka dahil panay ang dinig mo sa paligid mo ng  message tune mo. Kasalanan mo ba na "standard", "ascending", at "special" lang pagpipilian mo?

         Malamang dahil adik ka din sa text noon nagkakalyo ka na sa mga hinlalaki mo at nabura mo narin mga letra ng keypad mo pero ganon pa man kayang kaya mo bumuo ng cohesive na mensahe ng nakapikit. Itry mo yan sa touch screen sige! Tignan ko lang.... Nakakamiss yung ingay ng pagtipa sa keypad no?hahahaha!

         Naalala mo pa ba kung ilan high score mo sa snake? Ano ang unang ringtone na nacompose mo? Nagmakaawa ka na ba minsan sa kaibigan mo na sendan ka ng "graphic quotes"?Yung mga text na may kasamang teddy bear o rose o stars na gawa sa pinagdugtong dugtong na symbols (insert "ay oo").

        Sa pagdaan ng panahon nagsulputan pa ang mga bagong modelo ng nokia. Nagkaroon na ng kulay (3510i,3550). Hanggang sa umasenso nagkacamera pa (7610,6610). Sa dami ng modelo at mga kompanya na kumumpetensiya sa nokia, hindi ko na nasundan ang mga sumunod na model ng Nokia tapos napagiwanan pa sila sa features lalo na sa operating system. Nagkampihan kasi yung iba sa android nagmaganda Nokia hindi jumoin. aaawwww!!!sad. Naglitawan na ang mga cellphone na touch screen. Tumaas na resolution ng camera ultimo internal organs mo kita na (oa lang ako). Ala na....

        Gayon pa man salamat parin Nokia sa memories (patay na ba?!) at experiences and knowledge na naimbag niyo sa buhay ng mga taong sabik sa text at tawag. 

        Hindi naman mahalaga kung anong modelo ng telepono meron ka. Mura man mo mahal, nakakabuhay man ng patay o hindi, ang mahalaga natutulungan tayo nito para maabot at makausap man lang ang mga taong mahalaga man o hindi na malayo sa atin. Sabi nga ng Nokia "Connecting People"....

        Nga pala, hindi ako binayaran ng Nokia sa post na to. Trip trip lang to...hahahaha!! Until next time.. Labya!